-
The Official Animal Rights March 2018 í London
Þann 25. ágúst komu saman í kringum 10.000 veganar í kröfugöngu þar sem barist var fyrir þeim sem get ekki barist fyrir sér sjálf – dýrunum. Mótmælt var gegn dýraiðnaðnum og allri hagnýtingu dýra. Þessi ganga hefur verið gengin tvisvar áður en árið 2016 mættu 2500 veganar, árið eftir voru það 5000 veganar sem þrömmuðu um stræti London. Gangan í ár var því sú stærsta hingað til. Einnig var og verður gengið í hinum ýmsu borgum vítt um heiminn.
Við fórum saman smá hópur frá Íslandi.
-
Skókaup
Nú er ég búin að vera að leita mér að fallegum góðum götuskóm í góðan tíma. Ég er með kröfur, ég vil alveg svarta skó, þægilegir, með góðum botni, mjúkir að innan, fallegir, klassískir og aðal atriðið var ekki úr leðri. Ég er búin að fara á milli búða og skoða og skoða og virtist ekki vera finna neitt. Allir skór sem mér fannst fallegir voru annað hvort óþægilegir eða úr leðri.
Loksins fann ég skó sem tikkuðu í öll boxin og ekki skemmdi fyrir að það var 70% afsláttur af þeim.
Skórnir eru frá merkinu Super Cracks og fást hjá Skórnir þínir í Smáralind.
-
Foreldragreiðslur
Reglurnar eru þannig að ef þú þarft á foreldragreiðum frá TR að halda vegna veikinda barns þá skuldbindur þú þig til að gera ekkert annað en að sjá um veika barnið. Líka á þeim tímum sem barnið er hresst og getur mætt í dagvistun – en ekki nógu hresst til þess að foreldri geti verið í stöðugri vinnu.
Þegar ég fékk foreldragreiðslurnar fyrst var það vegna þess að hann var oft veikur og af því hann var háður því að starfsmaðurinn hans gæti mætt með honum. Til að byrja með var hann veikur amk 1 dag í viku, eftir því sem tíminn leið varð ónæmiskerfið hans sterkara og hann hætti að vera jafn veikur, þá tók við að starfsmaðurinn hans var oft veikur. Þrátt fyrir öll þessi veikindi voru margir dagar þar sem hann komst á leikskólann og ég því ein heima á meðan. Þennan tíma má ég ekki nýta í nám, vinnu eða endurhæfingu. Þetta leiddi til mikillar félagslegrar einangrunar fyrir mig.
Til að byrja með vorum við búnar að vera á spítala í tæp tvö ár, áður en við komum heim með Björgvin Unnar, þar sem við Jónína höfðum enga krafta í annað en að sinna barninu okkar og vorum því báðar frá vinnu allan þann tíma. Jónína byrjaði svo að vinna, varð svo veik og var í endurhæfingu í tæpt ár og fór svo aftur að vinna á nýjum vettvangi. Á meðan stend ég bara í stað. Auðvitað get ég unnið einhverja sjálfsvinnu heima en eftir þetta langan tíma þá dregur alltaf meira og meira úr kraftinum.
Í dag stend ég svo frammi fyrir því að Björgvin Unnar er nógu hress til að mæta í leikskólann nánast alla dag og leikskólinn treystir sér til að taka við honum hluta úr degi þegar starfsmaðurinn hans kemst ekki, og jafnvel stendur til að leikskólinn taki alveg við honum eftir sumarið (en það á eftir að koma í ljós). Því eru forsendur fyrir foreldragreiðslum brostnar. Sem þýðir að nú á ég bara að vera tilbúin til að kasta mér í djúpu laugina og beint að vinna áttafjögur. Sem er engan vegin raunhæft fyrir mig. Ég mun þurfa að fara í endurhæfingu og læra aftur að vera með í samfélaginu. Ég þarf að æfa mig í að geta líkamlega og andlega verið utan heimilisins, að vera í kringum annað fólk.
Ef kerfið væri hagsýnna þá myndi það hvetja foreldra í minni stöðu til að sækja sér endurhæfingu eða stunda nám eða vinna hlutastarf á meðan foreldragreiðslurnar eru samþykktar. Það myndi skila af sér bæði hæfari foreldrum sem kæmust fyrr út á vinnumarkaðinn þegar veikindi barnsins eru ekki lengur jafn langvarandi og alvarleg.
Afleiðingin af þessu er í mörgum tilfellum mikil félagsleg einangrun.
Félagsleg einangrun ýtir svo undir félagskvíða. Félagskvíði er svo eitthvað sem ég þarf að vinna í endalaust til að komast í gegnum, en það er efni í nýja færslu.
-
Eldað fyrir barn sem borðar ekki
-
Hvað þýðir “cruelty free”
Í snyrtivöru heiminum er notast við hugtakið “cruelty free” þegar átt er við vörur og innihalds efni sem ekki eru prófuð á dýrum. Í raun getur hver sem er sagt að fyrirtækið þeirra prófi ekki vöruna sína á dýrum. Þó eru til nokkrar stofnanir sem hafa sett upp ákveðin staðal sem fyrirtæki þurfa að uppfylla til þess að fá að hafa merki stofnuninnar á vörunni sinni. Þrjú merki eru þekktust en það eru merki frá PETA, Leaping Bunny og Choose Cruelty Free. Þessar stofnanir hafa allar sett saman sinn staðal og leiðir til að fylgja honum eftir.
PETA kanínan er sennilega þekksta “cruelty free” merkið. PETA setur fram spurningarlista og fer fram á undirskrifaða staðhæfingu, hinsvegar fylgist PETA ekki með hvort fyrirtæki sé að segja satt. Einnig þarf fyrirtækið ekki að sækja um merkið nema einu sinni, heldur setur PETA það í hendur fyrirtækisins að láta vita ef eitthvað breytist í framleiðslu þeirra. Fyrirtæki sem halda fram að þau prófi ekki á dýrum, nema þar sem því er krafist með lögum, geta einnig fengið merkið frá PETA. Í spurningarlista PETA er farið fram á að birgjar sem verslað er við prófi ekki á dýrum hinsvegar er hvergi farið fram á staðfestingu aðeins staðhæfingu frá fyrirtækinu. Hægt er að fá bæði merki sem staðfestir að fyrirtækið prófi ekki á dýrum og einnig að vara fyrirtækisins sé vegan, þ.e. Innihaldi engar dýraafurðir.
Leaping Bunny er alþjóðlega viðurkenndur vottunarstaðall og er sennilega með strangasta staðalinn. Til þess að fá að bera kanínu merkið frá þeim fer Leaping Bunny fram á að fyrirtæki geti sýnt fram á að birgjarnir þeirra prófi ekki á dýrum, fyrirtækin þurfa að endurnýja umsókina sína árlega og gætu lent í endurskoðun. Einnig fá þau fyrirtæki sem selja til meginlands Kína ekki stimpil frá Leaping Bunny vegna reglna um innfluttar snyrtivörur til Kína. Þó geta fyrirtæki, sem eru í eigu fyrirtækja sem prófa á dýrum, fengið vottun, en þau þurfa að sýna fram á að dótturfyrirtækið sé sjálfstætt fyrirtæki með sjálfstæðan rekstur og birgja.
Choose Cruelty Free (CCF) er óháð stofnun frá Ástralíu sem er rekin að mestu af sjálfboðaliðum. Til þess að komast á listann þeirra þarf fyrirtækið að skila inn spurningarlista og skrifa undir bindandi samning. CCF fer fram á að fyrirtæki sé ekki í eigu fyrirtækis sem prufar á dýrum og er einnig með ákveðnar reglur um notkun innihaldsefna sem búin eru til úr dýrum eða dýraafurðum. Ekki er farið fram á að fyrirtækið endurnýi umsóknina sína en þó geta þau lent í því að CCF fari fram á að spurningarlistanum sé svarað upp á nýtt og þannig fylgjast þau með fyrirtækjunum á listanum. CCF tekur eingöngu fyrir allt fyrirtækið en ekki einstök merki eða línur innan fyrirtækisins.
Heimildir: -
Fyrsta bloggið
Aldrei datt mér í hug að ég færi að blogga. En upp á síðkastið hefur blundað í mér einhver þörf fyrir að koma orðum á blað. Eftir tæplega 4 ár utan vinnumarkaðins vegna veikinda Björgvins Unnars þá finnst mér vera kominn tími á að ég geri eitthvað fyrir sjálfa mig. Því ætla ég að gera þetta fyrir mig. Ég ætla að skrifa um lífið mitt, kvíðann, einangrunina sem fylgir því að vera heima, snyrtivörur, vegan lífstílinn, líkamsvirðingu, Björgvin Unnar og allt annað sem mér dettur í hug.